Ndryshimi i stinëve nxjerr në pah nevojën e madhe për të forcuar sistemet tona të mbrojtjes.
Ekspertët vënë theksin si gjithnjë tek vitaminat, ushqyerja e shëndetshme madje edhe suplementet në raste të caktuara. Ju rendisim vitaminat që ju duhen patjetër për të qenë në formë këtë vjeshtë:
Vitamina D
Trupi i njeriut prodhon vetë vitaminën D kur është i ekspozuar në diell për një afat të caktuar kohor.
Megjithatë, ndryshimi i stinëve shoqërohet edhe me ekspozim ndjeshëm të kufizuar të trupit në rrezet e diellit.
Organizmi ka nevojë për 1000 deri në 2000 njësi të vitaminës D çdo ditë që nga fillimi i vjeshtës deri në pranverë.
Ajo është e rekomandueshme për njerëzit që qëndrojnë në ambiente të mbyllura.
Përveç suplementëve, vitaminën D e gjeni edhe tek salmoni, skumbria, e verdha e vezës dhe sardelet.
Vitamina C
Trupi i njeriut nuk është në gjendje të prodhojë vetë vitaminën C.
Për rrjedhojë është shumë e rëndësishme që të siguroheni që po merrni mjaftueshëm vitaminë C.
Ajo e mbron organizmin nga viruset dhe bakteret dhe përgatit linjën e parë të mbrojtjes ndaj të ftohurës dhe gripit.
Ajo i pengon këto probleme por kur njeriu sëmuret, vitaminë C nuk arrin dot të përshpejtojë shërimin.
Përveç suplementëve, vitaminën C e gjeni tek majdanozi, specat, kivi dhe brokoli, etj.
Magnezi
Temperatura e jashtme luan një rol të fortë tek humori.
Magnezi është i domosdoshëm sepse pengon dëshpërimin e vjeshtës, një çrregullim që prek dikë më shumë e dikë më pak.
Ky mineral thelbësor luan një rol të rëndësishëm në 300 reagime metabolike në organizëm.
Ai është i nevojshëm për mirëqenien dhe shëndetin në shumë nivele, ndaj sigurohuni që ta merrni si supplement rregullisht.