Përgjaken rrugët, pesë viktima në tre aksidente të ndryshme

Pesë persona kanë humbur jetën të shtunën, si pasojë e tre aksidenteve që ndodhën në Podujevë, Pejë dhe Graqanicë. Policia e Kosovës njofton se aksidenti në Graçanicë ndodhi rreth orës 16:25, ku viktimë mbeti një grua. Një aksident tjetër ka ndodhur rreth orës 21:24 në fshatin Shajkoc të Podujevës, ku dy persona mbetën të vdekur. Të shtunën në Ozdrim të Pejës humbën jetën edhe dy këmbësorë, të cilët u goditën nga një veturë.