Në janar të vitit 2022 pati një sulm seksual ndaj një pensionisteje 80-vjeçare në Westend, Gjermani. 20 muaj më vonë, autori u identifikua dhe u arrestua në Munih, falë një kamere interneti në banesën e viktimës. Autor është një 66-vjeçar shqiptar, identiteti i të cilit nuk bëhet ende i ditur.
Siç raporton policia, shtetases së moshuar i është afruar në rrugë një person i panjohur më datë 13.01.2022. Me një justifikim ka arritur të bindë gruan që ta çojë në banesën e saj, ku të dy kanë biseduar fillimisht. Por papritmas burri ka përfituar nga pafuqia e viktimës së tij të moshuar, e ka kapur të moshuarën nga krahët dhe këmbët dhe gjithashtu ka kërkuar marrëdhënie seksuale. Vetëm kur një i afërm i ka rënë ziles, i panjohuri e ka lëshuar viktimën, ka marrë njërën nga orët e dorës të 80-vjeçares dhe më pas është larguar pa u njohur.
Familjarët e viktimës kanë lajmëruar policinë, por kërkimi i nisur menjëherë ditën e krimit rezultoi i pasuksesshëm.
Ajo që autori nuk e dinte ishte se fëmijët e të moshuarës kishin instaluar një kamerë në banesën e të moshuarës për arsye sigurie për të parë nëse nëna e tyre ishte mirë në jetën e përditshme. Këtu është regjistruar edhe sulmi seksual ndaj pensionistes, i cili i ka mundësuar policisë të sigurojë një foto të autorit.