Në mbledhjen e Konferencës së Kryetarëve që pritet të mbahet këtë të mërkurë, është ftuar për të qenë i pranishëm edhe Gazment Bardhi. Në seancën e fundit plenare, kryeparlamentarja Lindita Nikolla lexoi një njoftim ku thuhej se kryetare e grupit ishte Flutura Açka.
Por Gazment Bardhi është thirrur në mbledhjen ku janë të pranishëm, kryetarja e Kuvendit, Kryetarët e Grupeve Parlamentare dhe kryetarët e Komisioneve Parlamentare.
Nëse Kuvendi do të njihte Açkën ai kryetare të grupit, atëherë Bardhi nuk do ishte thirrur në këtë mbledhje, pasi ai nuk ka asnjë funksion tjetër në Kuvendin e Shqipërisë, përveç se si deputet.
Në këtë mbledhje është thirrur edhe Flutura Açka, e cila njihet nga Basha si kryetare e grupit Parlamentar. Por prania e saj në ketë mbledhje lidhet me faktin se ajo është kryetare e Komisionit parlamentar të medias.