Homazhet për policin e vrarë në Kosovë, e bija përlot me fjalimin: Heroi im! Flijove jetën për liri

E bija e policit të vrarë Afrim Bunjaku, dha mesazhin e saj të lamtumirës, në homazhet që po mbahen këtë të hënë në Prishtinë. ”Heroi im babai im. Sa të vështirë e kam të shkruaj për ty babi! Ikja jote na la një plagë të madhe në zemrat tona. Babi nuk e di si jetoj pa ty, pa heroin tim. Vendin tënd në shtëpi s’e zë askush. Flijove jetën për liri! Ne e Kosova jemi krenarë për ty. Të premtoj që do të ndjek rrugën tënde. Do të kujtoj me mall dhe dhimbje. Heroi babi im”,-tha ajo.