Policia kufitare ka goditur dy raste të trafikimit të automjeteve të vjedhura.
Njëri prej rasteve është kapur në pikën kufitare të Morinës, ku G. S., 40 vjeç, banues në Gjilan, drejtonte një karrotrec me të cilin transportonte 2 automjete tip “Mercedes Benz” dhe tip “BMW X5”.
Nga verifikimet rezultuan se makinat ishin të shpallura në kërkim përkatësisht nga Interpol Praga dhe Interpol Wiesbaden.
Rasti tjetër është evidentuar në Portin e Durrësit.
Shtetasi me iniciale R. H., 49 vjeç, drejtonte një automjet tip “Audi A4”, të vjedhur në Itali më datë 18 nëntor të 2018-ës. 49-vjeçari u procedua në gjendje të lirë.
Të treja automjetet u bllokuan nga specialistët përkatës, me qëllim kryerjen e veprimeve të mëtejshme hetimore.