Brighton po habit Anglinë me futbollin sulmues dhe zbavitës. Me në krye italianin Roberto De Zerbi, që udhëhoqi Brighton drejt kualifikimit të parë europian në histori, duke dërguar skuadrën në grupet e Europa League.
Në renditjen e Premier League, “Pulëbardhat” renditen të tretët, vetëm tri pikë më pak se Manchester City kryesues. Por, në një statistikë ata dallojnë. Bëhet fjalë për topat e gjatë të shkelmuar nga portierët: Brighton e ka 0%.
Portierët e këtij ekipi nuk kanë zgjedhur në asnjë moment që të nisin një top të gjatë drejt shokëve të skuadrës, por gjithmonë kanë luajtur me pasim të shkurtër për të nisur aksionin. Pas Brighton, topin e gjatë e luan më pak Manchester United (20%) dhe Manchester City (40%).