Organizatat “Mbrojtja Civile” dhe “Brigada e Veriut”, Kurti: Të shpallen terroriste nga aleatët

Kryeministri Albin Kurti gjatë fjalës në Kuvend, ka kërkuar nga vendet aleate të Kosovës që t’i shpallin terroriste organizatat “Mbrojtja Civile” dhe “Brigada e Veriut”. Kurti ka kërkuar edhe që sulmuesit që kanë arritur të ikin nga Kosova, të dorëzohen ose të ekstradohen tek organet e sigurisë në Kosovë. “Sulmuesit të cilët arritën të ikin duhet që të ekstradohen, duhet të dorëzohen në organet e Republikës së Kosovës. Organizatat ‘Mbrojtja Civile’ dhe ‘Brigada Veriore’ duhet të shpallen terroriste edhe nga shtete tona mike, aleate, ashtu siç bëri Qeveria e Republikës së Kosovës”, tha ai.