Pamje të reja të tragjedisë së ndodhur në Irak, ku 113 persona humbën jetën pasi zjarri shpërtheu në një dasmë, janë publikuar në mediat sociale. Video e re tregon momentin e parë kur flakët nisën brenda sallës së eventeve.
Flakët kanë nisur të shfaqen pak pasi çifti i sapomartuar nisin të kërcejnë në pistën e vallëzimit, ndërsa rreth tyre janë ndezur fishekzjarrë. Pikërisht prej tyre ka marrë flakë tavani i dekoruar me rastin e dasmës.
Ciffti i sapomartuar Haneen dhe Revan i kanë shpëtuar flakëve duke u fshehur në kuzhinë, ndërsa familjarët që i kanë vizituar në spitalin ku po trajtohen për plagët e marra, kanë thënë për mediat se çifti është në gjendje të rënduar psikologjike.