Këshilli i Sigurisë Kombëtare të Turqisë bëri të ditur se Ankaraja do të bëjë përpjekjet e nevojshme për ruajtjen e paqes dhe stabilitetit në rajonin e Ballkanit dhe në Kosovë, raporton Anadolu.
Këshilli lëshoi një komunikatë pas takimit në kompleksin presidencial në Ankara të kryesuar nga presidenti Rexhep Tajip Erdoan (Recep Tayyip Erdogan).
Në takim u diskutua edhe për zhvillimet në rajonin e Ballkanit.
“Turqia do të bëjë përpjekjet maksimale për ruajtjen e paqes dhe sigurisë në rajon dhe në Kosovë, ku do të marrë komandën e misionit të NATO-s,” thuhet në deklaratë.
Ministria e Mbrojtjes më herët njoftoi se Turqia do të marrë komandën e misionit të KFOR-it në Kosovë në tetor të këtij viti.
Këshilli i Sigurisë Kombëtare i Turqisë diskutoi edhe rreth ngjarjeve në Kaukazin Jugor.
Në deklaratë thuhet se palët, veçanërisht Armenia, duhet të dijë se rruga drejt paqes së përhershme në Kaukazin e Jugut mund të bëhet e mundur vetëm përmes integritetit territorial të pakushtëzuar të Azerbajxhanit.
Gjithashtu u theksua se Turqia brenda dhe jashtë vendit do të vazhdojë me vendosmëri të luftojë kundër të gjitha llojeve të kërcënimeve dhe rreziqeve ndaj unitetit kombëtar, veçanërisht organizatat terroriste PKK/KCK-PYD/YPG, FETO dhe DAESH.
(Sipas Agjencisë Anadolu)