Gjykata e Krimeve të Rënda ka dhënë masën e sigurisë arrest me burg për Ragip Hajdinin, kosovarin e njohur me nofkën “Daja”, që dyshohet të jetë i përfshirë në grabitjen spektakolare të Rinasit më 9 prill.
Seanca është zhvilluar me dyer të mbyllura, teksa “Daja” përfaqësohej nga avokati i tij, Mirash Ndoci.
Lexo edhe- Kush është “daja” i arrestuar për grabitjen e Rinasit
Ragip Hajdini nga Kosova, është i gjashti i arrestuar për grabitjen e Rinasit, i cili u vu në pranga të premten e shkuar. Identiteti i tij u raportua nga Alkond Bengasi. Arrestimi i tij është kryer te Shkëmbi i Kavajës gjatë një operacioni mjaft sekret. Bengasi e përshkruante atë si njeriun që takonte shpesh Admir Muratajn dhe Klement Çalën. Ai e kishte përshkruar atë si një person rreth 50 vjeç, nga Kosova, i thirrur ndryshe edhe me nofkën “Daja”.
Lexo edhe- I gjashti i arrestuar për grabitjen në Rinas, lidhje me biznesmenë e politikanë