VIDEO/ E rëndë, katër adoleshentë rrahin me grushte dhe shkelma një burrë

Një ngjarje e rëndë është shënuar në Tiranë. Katër persona ende të paidentifikuar kanë dhunuar fizikisht një person tjetër, teksa ngjarja ka ndodhur pranë bregut të lumit, te zona e njohur si “Treshi”. Siç shihet nga pamjet e publikuara nga JOQ, katër të rinj godasin me shkelma një person në tokë, ndërsa një i pestë iu afrohet për t’i ndarë. Në sfond dëgjohen edhe të shara e të bërtitura. Nuk dihet se cili ka qenë motivi i këtij sherri dhe çfarë ka ndodhur më pas, pasi policia ende nuk ka një njoftim zyrtar.