Në Universitetet e rretheve ka nisur viti i ri akademik 2023-2024, ku siç raportohet disa degë rrezikojnë mbylljen. Në universitetin ”Luigj Gurakuqi” të Shkodrës, deri tani janë regjistruar 850 studentë në vitin e parë në 32 programe studimi në 6 fakultete të këtij universiteti.
Nisja e vitit të ri akademik sjell 1515 regjistrime te reja në universitetin “Aleksandër Moisiu” Durrës, vetëm në dy fazat e para, shifër kjo e cila ka një rënie të lehtë krahasuar me një vit më parë e cila ishte 1700 regjistrime për dy fazat e para.
Katër programe studimi nuk do të hapen këtë vit në universitetin ”Ismail Qemali” të Vlorës. Pas përfundimit të raundit të dytë të regjistrimeve, programet e studimit në degët Kimi, Matematikë, Fizikë dhe Gjuhë Italiane, nuk kanë asnjë student të regjistruar në vitin e parë. Në kuotat të ulëta edhe Fakulteti Ekonomik, ku nga 300 kuota ka vetëm 120 studentë të regjistruar.