Aksident në Sauk, taksia godet nga pas urbanin

Këtë të hënë, një aksident ka ndodhur në aksin Sauk-Tiranë, në drejtim të kryeqytetit, ku një mjet tip taksi ka përplasur nga mbrapa një autobus të linjave urbane. Mjeti taksi ka marrë dëmtime të konsiderueshme në pjesën e tij të përparme, ndërsa nuk raportohet për persona të lënduar. Policia dhe grupi hetimor kanë shkuar në vendin e ngjarjes dhe kanë nisur hetimet përkatëse për zbardhjen e plotë të shkaqeve të këtij aksidenti. Paraprakisht dyshohet se shkak është bërë mosruajtja e distancës nga ana e drejtuesit të taksisë.