Ka mbërritur për herë të tretë këtë verë në Portin e Durrësit, kroçera “Sirena” që ka sjellë 657 turistë nga 22 vende të botës. Sipas të dhënave nga autoriteti portual, 422 prej vizitorëve i përkasin shtetësisë amerikane, “Sirena” është një ndër anijet turistike që tashmë Shqipërinë e ka pjesë të itinerarit të saj të përvitshëm. Gjatë qëndrimit të anijes në Durrës turistët e huaj do të vizitojnë qytetet e Tiranës, Krujës dhe Durrësit dhe pas 12 orësh do të vijojnë lundrimin drejt Krotones në Itali. Vetëm përgjatë këtij viti në ndalesat e saj në Durrës kjo kroçerë ka sjellë më shumë se 2000 turistë me kombësi të ndryshme.
