Policia greke ka arrestuar katër të mitur grekë në Selanik për rrahjen dhe kërcënimin me armë të një 17-vjeçari shqiptar.
Siç rezultoi nga hetimet, autorët i kërkuan të dhunuarit pagesën e një shume parash, si shlyerje pas një transaksioni të mëparshëm droge që kanë pasur. I dëmtuari më pas ka shkuar në spital për ndihmën e parë dhe u largua.
Pas arrestimit të personave të përfshirë në këtë rast mëngjesin e djeshëm, u kryen kontrolle banesash, ku u gjetën dhe u sekuestruan 2 pistoleta, 8 thika, 2 shufra metalike të palosshme, pako të improvizuara me kanabis me peshë totale 187.6 gram, 3 peshore elektronike precize, sprajt piper etj.