Presidenti rus Vladimir Putin paralajmëroi se nëse Rusia hakmerret me sulm bërthamor, asnjë armik nuk ka shanse të mbijetojë.
Sipas Putin, doktrina ushtarake ruse ofron dy arsye për përdorimin e armëve bërthamore: si përgjigje ndaj ndonjë rakete të lëshuar në territorin rus dhe nëse ekzistenca e shtetit kërcënohet.
“Deri më sot, nuk do të ketë asnjë shans që agresori të mbijetojë në rast të përgjigjes sonë… Unë nuk e shoh nevojën për ta ndryshuar këtë. Asnjë person i arsyeshëm nuk do të mendonte të përdorte armë bërthamore kundër Rusisë”, tha lideri rus në një takim të Klubit Diskutues Valdai në qytetin e Soçit.