Industria e muzikës në Nigeri, por edhe në mbarë botën vijon të tronditet nga faktet që publikohen për vdekjen e këngëtarit MohBad, ngjarje e ndodhur më 12 shtator.
Protestat janë mbajtur në vendin afrikan, pasi policia arrestoi një infermiere e cila i kishte injektuar tre doza ilaçesh 27-vjeçarit, çka mendohet t’i kenë shkaktuar atij vdekjen.
E gjithë ngjarja dyshohet të jetë inskenuar nga ish-menaxheri i këngëtarit, Naira Marley, i cili zotëron një nga shtëpitë diskografike më të fuqishme në shtetin me 213 milionë banorë.
Fansat kërkojnë zbardhjen e ngjarjes. Vet viktima kishte denoncuar në polici kërcënimet e vazhdueshme nga ish-menaxheri i tij, i cili nuk kishte mirëpritur shkëputjen e kontratës. Pronat e tij ishin dëmtuar dhe ai ishte dhunuar fizikisht nga persona të ndryshëm, çka më pas solli nevojën për të marrë trajtim mjekësor. Por siç rezultoi nga hetimet, infermieria që iu paraqit së fundmi për mjekim ishte pa licencuar për të tilla trajtime.