Turizmi shqiptar merr vëmendje dhe nga mediat turke. E radhës është Haber Turk, e cila në një shkrim të gjatë, rendit 5 arsyet se përse Shqipëria duhet zgjedhur për të pushuar.
“Shqipëria është ndoshta një nga vendet më të fshehura në Ballkan, me shumë potencial ”, thuhet në shkrim, ku konfirmohet se Shqipëria u rimëkëmb shpejt, pas pandemisë dhe theu rekordin turistik para fundit të këtij viti.
Shqipëria, thotë gazetari, është kthyer në të preferuarën e re të Ballkanit dhe ka filluar të bëhet një destinacion tërheqës edhe për turqit, duke nënvizuar edhe ngjashmërinë që kanë kulturat dhe kuzhina mes dy popujve.