Biznesmeni Juljan Morina, i njohur si Lul Morina, është thirrur ditën e sotme në Prokurorinë e Posaçme Anti-Korrupsion. Biznesmeni është filmuar teksa futet në ambientet e SPAK, ndërsa ka qëndruar brenda për rreth 30 minuta. Ai nuk ka pranuar të prononcohet për mediat, ndërsa ende nuk dihen arsyet e thirrjes së tij në SPAK.
Lul Morina, ishte objekti i parë i veprimit të vendimit të qeverisë, për sekuestrimin e ndërtimeve pa leje. Morinës iu sekuestrua sot pallati 9-katësh në zonën e Liqenit të Thatë, pasi objekti ishte ndërtuar pa leje.
Julian Morina njihet për jetën e luksit, ku ekspozon në rrjetet sociale një jaht me mbiemrin e tij ‘Morina’, makinë Rolls Royce etj. Morina është shfaqur edhe në ortakëri me vëllezërit indianë Nitin Sandesara dhe Chetankumar Sandesara, të dyshuar për përvetësimin dhe pastrimin e 1 miliard USD përmes një skeme më kreditë bankare në Indi.
