Vajza 20-vjeçare e Tomer Shalom është zhdukur që nga fundjava. Ai thotë se kapja e pengjeve nga militantët e Hamasit është një “krim kundër njerëzimit”. Në një intervistë për CNN, Shalom tha se vajza e tij, Noam, e thirri atë e frikësuar dhe duke qarë rreth orës 8:30 të mëngjesit të së shtunës, nga një festival muzikor në Izraelin jugor pasi militantët e Hamasit sulmuan ngjarjen.
“Është përtej të kuptuarit. Ju nuk mund ta imagjinoni këtë situatë që fëmijët do të kërcejnë dhe ju e dini, do të argëtohen dhe do të shkojnë në klub dhe ata nuk do të kthehen në shtëpi sepse janë kapur”, tha Shalom.
Sipas autoriteteve izraelite, të paktën 260 njerëz vdiqën në sulmin e festivalit dhe një numër i panjohur personash u morën peng në Gaza. Shalom tha se vajza e tij, një ndihmës mjeke, foli me një mik në telefon rreth orës 9:15 të mëngjesit të së shtunës nga një ambulancë ku një mik tjetër po trajtohej për një plagë me armë zjarri. “Që atëherë, është hera e fundit që dikush ka dëgjuar për të“- u shpreh ai.
Shalom tha se situata është shumë e brishtë. “Nëse e lëmë këtë gjë, nëse nuk ngremë zërin tani, normalizojmë situatën Të gjithë duhet të ngremë zërin, nuk duhet të lejohen të marrin fëmijë”.