Ish-shefi i Hamasit ka bërë thirrje që të premten të zhvillohen protesta në të gjithë botën myslimane në mbështetje të palestinezëve dhe që popujt e vendeve fqinje t’i bashkohen luftës kundër Izraelit.
“Duhet të dalim në sheshet dhe rrugët e botës arabe dhe islame të premten”, ka thënë Khaled Meshaal, i cili aktualisht drejton zyrën e diasporës të Hamasit.
Meshaal, i cili është i vendosur në Katar, tha se qeveritë dhe popujt e Jordanisë, Sirisë, Libanit dhe Egjiptit kanë një detyrë më të madhe për të mbështetur palestinezët.
“Fiset e Jordanisë, bijtë e Jordanisë, vëllezërit dhe motrat e Jordanisë… Ky është një moment i së vërtetës dhe kufijtë janë afër jush, ju të gjithë e dini përgjegjësinë tuaj”, citohet të ketë thënë Meshaal në një deklaratë të regjistruar.