Kasa qendrore elektrike e një pallati në lagjen “Granica” në Gjirokastër, është përfshirë nga flakët.
Nga informacionet paraprake, dyshohet se ngarkesa në rrjet ka bërë që të përfshihen në flakë kabllot elektrikë të këtij pallati.
Në vendngjarje kanë shkuar forcat zjarrfikëse, të cilat kanë bërë të mundur shuarjen e flakëve. Aktualisht nuk raportohet për persona të lënduar.