Shpëtim Idrizi, kreu i PDIU-së ka pasur një takim sot me kryetarin e PD-së Lulzim Basha ku si ky i fundit, tha se nesër do të shpaloset programi dhe detyrat e qeverisë tranzitore.
“Nisur nga momenti shumë i vështirë dhe delikat që po kalon demokracia shqiptare, patëm një diskutim me z.Basha, për të rakorduar të gjithë aksionin opozitar. Opozita e bashkuar do të paraqesë platformë të përbashkët për zgjedhje të lira, të ndershme dhe të barabarta. Kjo nuk është thjeshtë një retorik, por kemi një platformë të përbashkët, ku ne do t’ju bëjmë të qartë të gjithë shqiptarëve, fenomenet negative që ndodhin në zgjedhje, duke filluar nga vjedhja e votave dhe përdorimi i pushtetit në zgjedhje”, tha Idrizi.
I pyetur nga gazetarët pse mungoi në takimin e aleatëve të PD-së me presidentin Meta ai dha këtë përgjigje: “Ne kemi një marrëveshje me PD-në por cdo forcë politike dhe grupim ka të drejtën e vet të japë kontributin e vet në zgjidhjen e krizës. Nuk kemi pasur nevojë, përveç aleancës me PD-në të potencojmë apo të kemi mundësira të tjera të bëhemi pjesë e opozitës së bashkuar”