Pas sulmit terrorist më 24 shtator, Policia e Kosovës bën me dije se ka zbuluar një arsenal tjetër armësh në një fshat në veri të banuar më së shumti nga serbët.
Prej ngjarjeve të Banjskës, Policia e Kosovës ka ushtruar kontrolle në disa lokacione dhe ka zbuluar sasi të madhe municioni dhe armësh, çka tregon se sulmi mund të merrte përmasa më të mëdha.
“Në orët e pasdites një qytetarë ka raportuar se derisa po mblidhte hekura në një hapësirë ku hedhen mbeturinat në hyrje të fshatit Prilluzhë , ka vërejtur dy armë. Lidhur me informatën janë ndërmarrë veprime operative e hetimore ku nga njësitë përkatëse është bërë perimetri i sigurisë. Gjatë kontrollit në atë lokacion janë gjetur. Dy armë të gjata, një sasi e municionit, kater granata dore, një tromblon”, shprehet zëdhënësi i Policisë së Kosovës për rajonin e Mitrovicës, Avni Zahiti.