Vitamia B është e vetmja që gjendet në trajtën e një kompleksi ku bëjnë pjesë vitamina B1 (tiamina), B2 (riboflavina), B3 (niancina), B5 (acidi pantotenik), B6 (pirodiksina), B7 (biotina), B9 (acidi folik) dhe B12 (kobalamina) dhe B16 (dimetilglicina).
Të gjitha janë të rëndësishme, por vitamina B12 ka një rëndësi të veçantë. Një studim i fundit ka arritur në përfundimin se një në katër banorë vuan nga mungesa e e saj. Vitamina B12 është e pranishme tek mëlçia dhe veshkat. Ajo është e rëndësishme për funksionimin e nervave, sistemit tretës, vaskular dhe atij riprodhues. Rregullon prodhimin e hormoneve, forcon imunitetin, ndërton qelizat e kuqe dhe AND-në. Është e lidhur me aftësitë njohëse dhe stabilitetin emocional.
Mënyra më e mirë për ta parandaluar mungesën e vitaminës B12 është konsumi i ushqimeve të duhura. Mishi, prodhimet e detit, qumështi dhe vezët të gjitha përmbajnë kobalaminë. Një burim i mirë i kësaj vitamine është edhe spirulina, një lloj alge me ngjyrë blu në të gjelbër, një superushqim i pasur në proteina.