Një përfaqësues i lartë i Hamasit në Liban, thotë se grupet militante të mbështetura nga Irani, Hamas dhe Hezbollah po koordinojnë nga afër hapat e tyre të ardhshëm në luftën kundër Izraelit.
Ahmed Abdul-Hadi, kreu i byrosë politike të Hamasit në Bejrut, këmbënguli se Hamasi me bazë në Gaza nuk i kishte dhënë aleatit të tij Hezbollahut asnjë njoftim paraprak për sulmet e tij kundër Izraelit më 7 tetor, të cilat vranë më shumë se 1,400 njerëz.
“Ne kemi marrëdhënie shumë të forta me Hezbollahun. Ne kemi bashkëpunuar me Hezbollahun para sulmit ndaj Izraelit dhe më pas dhe tani jemi në bashkëpunim të plotë”, tha Hadi.
Ai u shpreh se ka një bashkëpunim të vazhdueshëm midis dy grupeve, dhe se Hezbollahu tani ishte i përgatitur për një luftë të madhe kundër Izraelit në veri, ndërsa Hamasi do të vijojë veprimtarinë në Gaza.