Inteligjenca e Britanisë së Madhe ka paralajmëruar qytetarët për një valë të madhe spiunazhi nga zyrtarë të Kinës.
Duke cituar funksionarë të kundërzbulimit, BBC raporton se më shumë se 20 mijë njerëz të Mbretërinë e Bashkuar janë kontaktuar online dhe në mënyrë të fshehtë nga spiunët kinezë.
Kjo vjen mes një paralajmërimi të ri për dhjetëra mijëra biznese që rrezikojnë që t’ju vidhe inovacioni apo shpikja që kanë bërë.
Ngritja e këtij alarmi erdhi gjatë një eventi në Kaliforni ku ishin mbledhur krerët e inteligjencës së Shteteve të Bashkuara, Britanisë, Australisë, Kanadasë dhe Zelandës së Re.
Ata paralajmëruan për herë të parë edhe rrezikun që sekretet tregtare të vendeve perëndimore po zotërohen tashmë edhe nga Kina.