Ekziston një kohë ideale për të fjetur nëse duam të reduktojmë rrezikun e sëmundjeve kardiovaskulare. Koha e saktë e gjumit varet nga koha kur keni tendencë të zgjoheni në mëngjes. Sa më mirë të jetë cilësia e gjumit që bëni, aq më pak ka gjasa që të përjetoni përgjumje të konsiderueshme gjatë ditës.
Por çfarë duhet të bëni për të përmirësuar gjumin tuaj?
Profesori Colin Espie në Departamentin e Nuffield të Neuroshkencës Klinike në Universitetin e Oksfordit, ka një strategji se cila është metoda më e mirë për gjumë të rehatshëm.
“Ne e dimë nga përvoja e përditshme, se koha kur flemë është e ndryshme, si rezultat i punëve tona ose ndryshimeve në stilin e jetës. Gjumi i dobët ose i pamjaftueshëm mund të ndikojë në gjithçka në jetën tonë të përditshme, në gjendjen shpirtërore dhe mënyrën sesi bashkëveprojmë me njerëzit në punë.”
Si mund të rregulloni kohën e gjumit?
Duhet të praktikoni zakonin e gjumit në orën 10:30 dhe të zgjoheni në 6:30 të mëngjesit.
“Nëse zgjoheni në orën 6:30 të mëngjesit, duhet të hani mëngjes deri në orën 7 të mëngjesit, gjë që sinjalizon trupin që dita ka filluar, duke forcuar kështu metabolizimin tuaj. Nëse stërviteni në mbrëmje, ndjeheni energjik për orët e ardhshme dhe kështu mund të vononi gjumin. Kështu që rekomandohet që të stërviteni në mëngjes. Nëse jo, atëherë mund të ushtroheni herët në mbrëmje”, këshilllon mjeku.