Aplikimet për t’u berë pjesë e Operatorit të Shpërndarjes së Energjisë Elektrike (OSHEE) janë hapur.
Lajmin e bëri të ditur zv.kryeministrja Belinda Balluku.
“Janë hapur aplikimet për të gjithë të rinjtë që duan të bëhen pjesë e Operatorit të Shpërndarjes së Energjisë Elektrike. Kemi hapur 309 vende të reja pune për elektricistë deri në moshën 25 vjeç, do të kontribuojnë në 12 rajone të vendit. Të rinjtë që duan të bëhen pjesë e OSHEE-së kanë afat 30 ditë për të bërë aplikimin e tyre.”, tha ajo.
Balluku përmendi dhe shifrat lidhur me humbjet e energjisë.
“Në vitin 2013, OSHEE kishte 45% humbje, në 9-mujorin e parë të këtij viti kishim vetëm 18.76% humbje. Shpresojmë që viti 2023 për Operatorin e Shpërndarjes së Energjisë Elektrike të mbyllet me 19% humbje.”, tha ajo.