Operatori i Shpërndarjes së Energjisë Elektrike (OSHEE) hapi aplikimet për 309 elektriçistë të rinj në të 12 rajonet e vendit. Një ditë pas hapjes së thirrjes nga OSHEE, kryeministri Edi Rama i drejtoi një ftesë të rinjve të bëhen pjesë e shërbimit publik
“Ftesë për të rinjtë elektriçistë, që të bëhen pjesë e shërbimit publik me punë të denjë”, u shpreh Rama në rrjetet sociale. Ky është një program që do të vijojë edhe në të ardhmen, që ka të bëjë jo vetëm me punësimin, por edhe formimin e të rinjve që duan të kontribuojnë në fushën e energjisë elektrike.
Nga një analizë e bërë nga autoritetet në vend, rezultoi se mosha mesatare e elektriçistëve varionte rreth 48 vjeç. Ndërsa për elektriçistet mosha mesatare ishte 51.5 %. Për këtë arsye hapet thirrja për punësimin e 309 elektriçistëve, ku kriter do të jetë mosha deri 25 vjeç.
Nëse këto 309 vende nuk mbushen nga të rinj brenda 30 ditëve, mosha do të rritet duke shkuar në 30 vjeç.
Sektori i energjisë elektrike në vend është transformuar rrënjësisht vitet e fundit, ndërsa investimet në infrastrukturën energjetike për vitin e ardhshëm planifikohen 40 milionë euro.