Krejt i vetëm, një i moshuar doli këtë të premte në protestë para Kryeministrisë për të kërkuar përmirësimin e jetesës së pensionistëve, por dhe për të kërkuar bonusin që u takon. 80-vjeçari mban një pankartë ku shkruan “Turp! Mos luaj me bonusin e pensionistëve!”
Ndërkohë në dorë mban një letër të cilën thotë se do ia dërgojë me postë kryeministrit Edi Rama. “Bonusi u tha që do të jepej në mars para zgjedhjeve. Perimet janë rritur dy herë, për frutat nuk bëhet fjalë”.
Edhe pse i vetëm vendosi të protestojë për vete dhe bashkëmoshatarët e tij, megjithëse është i vetëdijshëm se reagimi i tij nuk do të sjellë ndryshim. “Edi mos luaj me ditët e fundit të jetës tonë. Protestoj jo se do të sjell ndryshimin por të shpreh urrejtje ndaj deputetëve që votuan dyfishimin e rrogës tonë”.