Për shkak të motit të keq në detin Adriatik, lundrimet e parashikuara nga Durrësi drejt Barit për ditën e sotme janë anuluar.
Njoftimi u bë publik nga Autoriteti Portual i Durrësit, i cili bën me dije se kompanitë e lundrimeve kanë njoftuar se mbrëmjen e sotme do të pezullohen lundrimet e trageteve nga Durrësit drejt Barit(Itali) dhe anasjelltas.
Njoftimi i Autoritetit Portual Durrës:
Njoftim mbi anulimin e përkohëshëm të lundrimeve 20 tetor 2023 Si pasojë e motit të paqëndrueshëm që pritet të përfshijë rajonin e Adriatikut, kompanitë e lundrimeve kanë njoftuar se mbrëmjen e sotme do të pezullohen lundrimet e trageteve nga Durrësit drejt Barit(Itali) dhe anasjelltas. Referuar parashikimeve të autoriteteve detare forca e erës do të shkojë deri në 30 m/s, ndërsa dallgëzimi në det të hapur do të variojë nga 7-8 bft. Jemi në vigjilencë të plotë për monitorimin e situatës deri në rikthimin në normalitet të kushteve të motit. Lundrimet drejt Ankonës do të vijojnë normalisht.