Mat/ Vazhdojnë investimet në rrugët periferike të Burrelit

Ashtu siç ishte premtuar nga kryetari i bashkisë Mat Agron Malaj po investohet në disa rrugë periferike të qytetit. Janë 17 të tilla që do të asfaltohen dhe do të krijojnë kushte më të mira banimi për qytetarët matjanë. Malaj shprehet se pas investimit në rrjetin e brendshëm të ujësjellësit po punohet në disa segmente rrugore. “Në vijim të investimeve në rrjetin e ujësjellësit ka nis puna për hedhjen e stabilizantit në rrugët lidhëse në lagjen “Pjetër Budi” Burrel. Brenda pak ditësh do nisim dhe asfaltimin e këtyre rrugicave dhe vendosjen e sinjalistikës horizontale dhe vertikale në rrugët e qytetit. Investimi për asfaltimin e rrugëve lidhëse midis lagjjeve do vijojë edhe ne lagjjet e tjera të qytetit për tu asfaltuar”, shprehet Malaj.