Shpaloset banderolë kundër Belerit

Këtë të martë mbahet seanca e radhës gjyqësore ndaj Fredi Belerit. Në ambientet jashtë Gjykatës së Posaçme është shpalosur një banderolë kundër tij. “Beleri në jug, Radoiçiç në veri”, shkruhej aty. Në seancën e parë të gjyqit, më 12 tetor, Fredi Beleri kërkoi përjashtimin nga trupa gjykuese të gjyqtares Etleva Deda. Më 17 tetor, kjo gjyqtare u zëvendësua nga Flora Hajredinaj, duke bërë që seanca të shtyhet për këtë të martë. Sot pritet të lexohet kërkesa për gjykim nga SPAK, e cila e akuzon Belerin se bleu vota në zgjedhjet lokale të 14 Majit.