Ushtria izraelite tha se kishte goditur 400 shënjestra. Hamasi bëri me dije se të paktën 140 civilë mbetën të vrarë gjatë orëve të fundit, dhe se dhjetëra shtëpi ishin shkatërruar.
Hamasi liroi të hënën dy gra izraelite të cilat ishin mes më shumë se 200 pengjeve të marra gjatë sulmit të koordinuar të 7 tetorit. Nurit Cooper dhe Yocheved Lifschitz 85 dhe 79 vjeç, janë pengjet e treta dhe të katërta që lirohen, por bashkëshortët e tyre vijojnë të mbahen nga militantët.
Ata u rrëmbyen në vendbanimin izralit Nir Oz, i cili ndodhet përgjatë kufirit të Izraelit me Rripin e Gazës. Presidenti amerikan Joe Biden mirëpriti lirimin e pengjeve dhe theksoi nevojën për të vijuar mbështetjen humanitare për gazën, gjatë një telefonate të zhvilluar me kryeministrin Benjamin Netanjahu.