Pesë të rinj, të moshave 16-20 vjeç shisnin drogë në afërsi të shkollës 9-vjeçare ‘Sabaudin Gabrani’. Ata siguronin lëndën narkotike, e ndanin në doza dhe më pas e shisnin pranë shkollës, apo në zona të tjera në Tiranë afër shkollave.
Ata janë: Klevis Bardhoshi, 19 vjeç, Marsel Baraj, 19 vjeç, Bjorn Ziu, 18 vjeç, Françesko Zaçe, 20 vjeç, dhe një 16-vjeçar. Po ashtu, policia ka sekuestruar 163 doza lënde narkotike kanabis, gati për shitje, 1 grirëse metalike dhe 5 celularë.
Në kuadër të megaoperacionit të nisur prej 14 shtatorit 2023 deri tani janë arrestuar mbi 240 persona në mbarë vendin për shpërndarje drogash pranë shkollave dhe lokaleve të frekuentuara nga të rinjtë. 23 grupe kriminale u shkatërruan në megaoperacioni i zhvilluar në 5 qarqe të ndryshme të vendit, Tiranë, Durrës, Korçë, Vlorë dhe Elbasan.