Gjykata Themelore në Prishtinë ka dënuar me 200 euro gjobë ministren e Industrisë, Ndërmarrësisë dhe Tregtisë, Rozeta Hajdari për akuzën lidhur me aksidentin ku goditi një fëmijë.
“E pandehura R.H obligohet që të paguajë shumën prej njëqind (100) € për mendimin e ekspertit të komunikacionit, po ashtu obligohet të paguajë shumën prej nëntëqind (900)€ për super ekspertizë dhe për ekspertizë mjeko – ligjore të paguajë shumën prej 50 €. Nëse e pandehura nuk e kryen pagesën e gjobës në afatin e paraparë me ligj, si dhe shpenzimet e procedurës kundërvajtëse, në të kundërtën ekzekutimi do te bëhet sipas dispozitave të Ligjit të Procedurës Përmbarimore”,-thuhet në njoftimin e gjykatës së Prishtinës.
Më 10 prill të vitit 2022, ministrja Rozeta Hajdari u përfshi në një aksident në lagjen “Arbëria” në Prishtinë, ku për pasojë një fëmijë pësoi lëndime trupore.