Ish-ministri belg i Drejtësisë, Vincent Van Quickenborne, ka rrëfyer dramën e jetës. Ai ka treguar se ka qenë viktimë e abuzimit nga një prift. Pasi dha dorëheqjen si ministër i drejtësisë pas sulmit terrorist në Bruksel, ai tregoi një sërë ngjarjesh që përjetoi gjatë qëndrimit të tij në konvikt në Ghent.
Sipas tij, ishte e zakonshme që një prift të kryente veprime të tilla. “Nëse do të ishe i sëmurë, prifti do të vinte në dhomën tënde dhe do të duhej të hiqje pantallonat”, tha Vincent Van Quickborn.
Ai gjithashtu tha se edhe shumë djem të rinj ishin viktima. Sipas tij, diçka e tillë i kishte ndodhur edhe djemve të tjerë. Ish-ministri vuri në dukje se ata nuk kishin folur as me prindërit e tyre për atë që po ndodhte.