GJKKO pret që ta marrë sot në pyetje në lidhje me çështjen e ish-kompleksit ”Partizani”, por ish-kryeministri Sali Berisha doli në një konferencë për mediat. Ai u shpreh i prerë se nëse një familjar i tiji ka përfituar nga ligjet e miratuara asokohe, atëherë ai merr përgjegjësi të plotë.
“E kam thënë dhe e them, kur nja fakt i vetëm të paraqitet, unë marr çdo vendim, por të garantoj se me falsitetet, trillime, shpifje, kurrë nuk mund të ketë gjë që të detyrojë të tërhiqet Sali Berisha.
Qindra mijëra shqiptarë kanë përfituar nga ato reforma dhe jam krenar për to sepse transformova çështjen e pronësisë. Nëse një familjar i imi ka përfituar një metër katror në kundërshtim me ligjin, atëherë unë jam përgjegjës”, tha Berisha.