Vijon edhe këtë të enjte seanca maratonë në GJKKO për ish-kryeministrin Sali Berisha. Dje Gjykata e Posaçme pasi i caktoi një avokat nga shteti, Artan Simonin, por pak orë më vonë e zëvendësoi këtë të fundit me një tjetër. Shkak i vendimit është bërë një postim i bërë më herët nga Simoni në rrjetet sociale.
Sipas GJKKO, duhet të zëvendësohet me një tjetër mbrojtës të listës së avokatëve kryesisht. “Me kërkese te Prokurorisë, me qellim garantimin e mbrojtjes efektive, Gjykata zëvendësoi avokatin Artan Simoni me avokat tjetër nga lista e avokatëve kryesisht dhe i la kohë të njihet me aktet. Seanca do të zhvillohet në datën 26.10.2023 ora 10am”, thuhet në njoftimin e GJKKO-së.
Duket se po zgjat pak kohë seanca e vlerësimit të masës së sigurisë për Sali Berishën, ndërkohë që sot mbetet të shihet se çfarë do të ndodhë dhe cili do të jetë avokati tjetër kryesisht.