Kreu i Rithemelimit, Sali Berisha pak para hyrjes së tij në selinë e PD u ndal në një prononcim për mediat. Ai ironizoi ish-avokatin e shtetit që i caktoi GJKKO, Artan Simoni, i cili më pas u zëvendësua nga dy kolege të tij.
“Kushtetua dhe vetëm kushtetuta! (qesh) E patë ju kush ishte. Fytyra e vërtetë e tyre. Ai ishte (qesh) S’kam asnjë njoftim për shtyrjen. Ai ishte ekzemplari më i shkëlqyer për Edi Ramën. Pastaj unë nuk kam njoftim”, tha Berisha.
Zëvendësimi nga ana e GJKKO u bë për shkak të një postimi që Simoni kishte bërë një rrjetet sociale, ku ndonëse nuk përmendte emra, ironizonte situatën në të cilën ishte Berisha, pasi ndaj tij ka nisur një hetim për akuzën e korrupsionit pasiv.