Një marinar ka humbur jetën brenda bordit të anijes.
Bëhet fjalë për Anri Mikeladze, 18 vjeç, shtetas gjeorgjian, me vendlindje në Batumi. Ai ra në kontakt me rrymën elektrike gjatë kohës që ka qenë në bord duke kryer detyrat e tij.
Sipas të dhënave, anija “ATA 2” me flamur Vanuatu, ka kryer shkarkim malli në Portin e hidrokarbureve në Porto Romano dhe është larguar rreth orës 09:30 të paradites drejt vendit të origjinës, por gjatë daljes për në ujërat territorialë, ka njoftuar se një ndër personat e ekuipazhit ka rënë në kontakt me energjinë elektrike.