Pas takimeve të djeshme mes Kurtit dhe Vuçiç me liderët evropianë, ministri serb i Mbrojtjes, Milos Vuçeviç thotë se bisedimet ishin të vështira për palën serbe. “Nuk kishte asgjë të lehtë për ne, as nuk do të dëgjojmë ndonjë gjë tepër të bukur nga ato bisedime”, tha Vuçeviç.
Sipas tij, Serbia është e gatshme të negociojë për të gjitha propozimet që përjashtojnë pavarësinë e Kosovës dhe uljen e saj në tryezën e Kombeve të Bashkuara. Ministri serb vlerësoi se 90% e qytetarëve do të donin të dëgjonin se Serbia refuzon gjithçka nga dialogu dhe të largohet prej tij përfundimisht.
“Të gjithë do të ishin të lumtur ta shihnin ushtrinë tonë në Kosovë, por ne duhet të dimë, duhet të kujtojmë, se jemi tërhequr nga Kosova në vitin 1999 në përputhje me Marrëveshjen e Kumanovës dhe Rezolutën 1244”, tha ai.