Kreshnik Spahiu tha se prapa SPAK-ut, nuk fshihet Edi Rama, por Shtetet e Bashkuara të Amerikës dhe shërbimet inteligjente.
Sipas tij procesi gjyqësor ndaj Sali Berishës nuk është politik, por krejtësisht i planifikuar nga Prokuroria e Posaçme dhe hetimet për çështjen.
“Unë nuk e shoh si një proces politik. Shtetet e Bashkuara të Amerikës kanë investuar prej vitesh në prokurori dhe janë financuesi kryesor i reformës në drejtësi dhe SPAK-ut.
SPAK-u ka mbështetjen e partnerëve perëndimorë në këtë proces dhe në disa të tjerë dhe unë gjykoj që prokuroria nuk ka ngritur një proces politik, por një proces nën mbështetjen dhe frymëzimin e partnerëve ndërkombëtarë,” – u shpreh Spahiu.