Kryebashkiaku i Shkodrës, Benet Beci i është nënshtruar ditën e sotme një ndërhyrje kirurgjikale.
Mediat lokale raportuan se Beci ishte parë sot në mjediset e Spitalit Rajonal të Shkodrës dhe se ishte operuaar nga apandesiti.
Në lidhje me këtë ka reaguar edhe kryebashkiaku, i cili njofton se tashmë është mirë, teksa falenderon bluzat e bardha të Spitalit të Shkodrës, me në krye drejtorin e institucionit Dr.Senad Halluni, mjekët kirurg të Shkodrës Dr.Gëzim Galiqi, Dr.Shpëtim Ymeri dhe mjekun anestezist Ervin Troshani, për gatishmërinë dhe kujdesin e treguar.
“Të nderuar bashkëqytetar, më lejoni t’ju falenderoj për çdo mesazh që më keni përcjellë për t’u interesuar për ndërhyrjen kirurgjikale që kam realizuar sot pranë Spitalit të Shkodrës.
Faleminderit gjithsecilit, por në mënyrë të veçantë bluzat e bardha të Spitalit të Shkodrës, me në krye drejtorin e institucionit Dr.Senad Halluni, mjekët kirurg të Shkodrës Dr.Gëzim Galiqi, Dr.Shpëtim Ymeri dhe mjekun anestezist Ervin Troshani, për gadishmërinë dhe kujdesin e treguar.
Faleminderit dhe gjith stafit Infermier ,vecanerisht faleminderit Vjollces, moter Martes dhe Julit
Mirënjohje pafund ”, shkruan Beci.