Pas mbylljes së seancës së sotme parlamentare, deputetja e Partisë së Lirisë, Monika Kryemadhi deklaroi se fletëthirrje nga ana e SPAK ka pasur vetëm për çështjen e inceneratorëve.
“S’kam problem të shkoj sërish edhe për operacionet plastike pres të më thërrasë SPAK, s’jam thirrur akoma dhe jam në pritje! Jo nuk jam thirrur për lobimin”, tha Kryemadhi.
Sa i përket pyetjes nëse ka ndonjë çështje ndaj bashkëshortit të saj, Kryemadhi tha se edhe mund të ketë, por kjo s’do të thotë asgjë.
Sa i përket akuzave të SPAK për Sali Berishën dhe Jamarbër Malltezin, Kryemadhi u shpreh: “Për mua, Arbër Malltezi është i burgosur politik, Sali Berisha është i përndjekur politik. E njihni Berlusconin që ka patur nja 4-5 çështje, por nuk i ka hequr njeri pasaportën Berlusconit”.
Sipas saj, të gjitha institucionet janë kthyer në funksion të Ramës për të krijuar “trekëndëshin e tij të bermudës për pastrimin e parave, trafikun e drogës dhe korrupsionin”.