Aplikacioni kinez “WeChat”, për të cilën dhe qeveritë perëndimore kanë shqetësime në lidhje me sigurinë e saj, është ndaluar nga Kanadaja të përdoret në pajisjet qeveritare.
Ka dyshime se aplikacioni, një nga më të përdorurit të botë, përdoret për të spiunuar përdoruesit.
WeChat është i kudondodhur në Kinë dhe gjithashtu i popullarizuar në Azinë Juglindore dhe brenda komuniteteve të diasporës kineze.
Edhe pse vendimi për ta ndaluar në Kanada ka hyrë në fuqi menjëherë, nuk ka asnjë provë që informacioni i qeverisë është komprometuar përmes WeChat, tha në një deklaratë presidentja e Bordit të Thesarit të Kanadasë, Anita Anand.
“Ne po marrim një qasje të bazuar në rrezik për sigurinë kibernetike duke hequr aksesin në këto aplikacione në pajisjet celulare të qeverisë,” tha ajo.
Kanadaja po merr gjithashtu masa ndaj Kaspersky me bazë në Rusi, një kompani e sigurisë kibernetike.
Përdoruesit do t’i heqin aplikacionet dhe do të bllokohen nga shkarkimi i tyre në të ardhmen.
Edhe pse TikTok ka marrë shumë vëmendje për rreziqet e mundshme të sigurisë, shumë ekspertë të sigurisë besojnë se WeChat përbën një kërcënim më të madh. Merr më pak fokus sepse nuk përdoret aq shumë sa TikTok nga punonjësit e qeverisë në Amerikën e Veriut.
Ish-presidenti amerikan Donald Trump u përpoq të ndalonte aplikacionin në vitin 2020 me urdhër ekzekutiv, por nuk u lejua.