Duket se përplasja e deklaratave mes dy kryeministrave, të Shqipërisë dhe të Kosovës për samitin e Berlinit do të vijojë ende. Ramush Haradinaj i është përgjigjur sot statusit në Facebook të një dite më parë të kryeministrit Rama.
“Atë që kam thënë në intervistë që vërtetë është një intervistë e kujdesshme që kam rujt shumë, se po thotë dikush skem me hesht, vërtetë kam rujt shumë gjana, ajo qëndron, njëkohësisht është me rëndësi që të kemi një qëndrim publik, edhe ai me dyer të mbyllura është i mirëseardhur”, ka thënë Haradinaj.
Lexo edhe- Edi Rama replikon me Haradinajn: E vërteta ime me shumë dëshmitarë
E vërteta ime me shumë dëshmitarë ishte statusi i Ramës, por Haradinaj i përgjigjet se “ka dëshmitarë për të treguar të vërtetën”, duke komentuar me thënien e At Zef Pllumit, Rrno për me tregue.
“Shiqoni për mu shqiptarët edhe të majtë edhe të djathë janë vëllaznit e mi ua kam borgj të vërtetën “Rrnoj me tregu”, do të tregoj të vërtetën edhe kur i pëlqen edhe kur i pëlqen edhe kur si pëlqen dikujt do ta tregoj çdo herë, sepse jemi në obligim të një transparence këtë do ta bëj edhe të ardhmen. E shoh me atë që ka thënë At Zef Pllumi: Rrno me tregu, shyqyr që aty është dikush me tregu të vërtetën”, tha Haradinaj.