Një studimi ri i Universitetit amerikan Cornell thotë se të gjithë ata që mendojnë të kalojnë te birra pa alkool sipas rekomandimeve të modës së re, mund ta gjejnë veten të sëmurë edhe pa u dehur fare.
Studimi i ri thotë se birra pa alkool rezulton një terren pjellor për bakterie si E. coli e salmonela, shkruan Daily Mail. Kjo lloj birre u paraqit më keq se birrat tradicionale dhe ato me pak alkool, sipas studiuesve, prej tipareve dezinfektuese të vetë alkoolit.
Tre tipe bakteriesh të dëmshme u testuan në birrën pa alkool dhe atë me pak alkool për një periudhë dy-mujore.
Studiuesit thonë se birrat pa alkool të mbajtura në frigorifer qëndronin më të sigurta për t’u pirë se ato që mbaheshin në temperaturë dhome, por nëse ftoheshin më shumë se ç’duhet nuk ishin më të sigurta.
“Birrat me pak alkool dhe pa alkool duhet të përpunohen me pasterizim (nxehtësi) për të arritur sterilitetin”, shkruajnë autorët e studimit të fakultetit të agrikulturës së Cornell në bashkëpunim me shoqatën e distilerisë se Boulder, Colorado, SHBA.
Studimi i publikuar gjithashtu në revistën ‘Journal of Food Protection’ shkruante se ‘filtrimi steril dhe shtimi i prezervuesve mund të konsiderohen si hapa shtesë për të reduktuar rrezikun e mikrobeve”.
Biologu Randy Worobo, shkruante se kishe gjurmuar efektet e aciditetit (pH), temperaturës së magazinimit dhe përqendrimit të alkoolit (etanol) në riprodhimin apo eliminimin e patogjenëve mikrobialë.
Ai tha se grupi testoi tre nivele aciditeti që janë tipike për pije si vera, birra dhe pije të tjera të ngjashme alkoolike. Ai testoi më pas rezistencën e mikrobeve në këto aciditete dhe temperatura, saktësisht kur pijet ruheshin në 4 gradë C dhe në 14 C. Si bakteri E. coli dhe Salmonella mbijetonin më gjatë në birrën me pak alkool ose pa alkool.
Por sipas tyre birra jo-alkoolike ishte një terren më fertil për patogjenin, edhe pse bakteri mbijetonte te të dyja. Ndërsa birra e rregullt me përqindje 4-deri-5-alkool nuk shkaktonte formim të bakterieve.
Studiuesit e Cornell tashmë rekomandojnë që birrat me pak dhe pa alkool, sidomos ato me pH më të lartë se 4.20, të kontrollohen nga ekspertët e vetë distilerive për përpunime të mëtejshme termike.